„Ýmislegt gott sem kom út úr þessu“. Hvaða áhrif hefur heimsfaraldur haft á samband stjórnenda við starfsfólk?

Markmið þessarar rannsóknar var að skoða hvaða áhrif heimsfaraldurinn hafði á samband stjórnenda við starfsfólk og hvaða lærdóm megi draga af reynslu sem þessari til að nýta í nákominni framtíð. Áhersla var lögð á að skoða hvað stjórnendum þótti mikilvægast á tímum faraldursins, hvernig þeim fannst stjórnun hafa breyst, hvað þeim kom mest á óvart ásamt því hverju þeir muni halda áfram að gera. Rannsóknin var byggð á eigindlegri aðferðafræði þar sem tekin voru átta hálfopin djúpviðtöl við stjórnendur með mannaforráð yfir starfsfólki í fjarvinnu og voru þau tekin upp í mars 2021. Helstu niðurstöður rannsóknarinnar voru að samskipti og sérstaklega skilningur gagnvart breytilegum þörfum starfsfólks ásamt upplýsingaflæði skiptir máli þegar krísja herjar á, til þess að starfsfólk sé upplýst um nauðsynlega hluti. Aðlögunarhæfni starfsfólks fór fram úr björtustu vonum viðmælenda og munu ákveðnar tegundir fjarfunda og sveigjanlegt vinnuumhverfi verða hluti vinnustaðamenningar þegar fram líða stundir